Tanınmış jurnalist Azər Rəşidoğlu uzunmüddətli müayinə və müalicədən sonra Türkiyədən Bakıya dönüb.

“Cebheinfo.az” xəbər verir ki, bu barədə o, sosial şəbəkə hesabında yazıb:

“2 həftəyə yəqin ki, yenidən ( bu dəfə qısamüddətli) Türkiyəyə gedəcəyəm. İlk mərhələ uğurlu oldu, ən müxtəlif analizlərin verilməsi və müalicənin başlanması vaxt apardı. Dövlətimiz sağ olsun, məni yalnız buraxmır. Bu qədər insanın sevgisini və duasını, narahatlığını gözləmirdim.

Allah hamınızdan razı olsun. Hər kəs mənim problemimi öz doğmasının problemi hesab etdi və hər addımı nəzarətdə saxladı. Mediadakı həmkarlarımız bu məsələni gündəmdəmdən düşməyə qoymadı. Uzun çəkən bir savaşda birlikdəyik. İnşəallah, birlikdə sevinəcəyik. Azərbaycan - çox yaşa!..”

Qeyd edək ki, jurnalistin müalicəsi Heydər Əliyev Fondu tərəfindən qarşılanır.