İlk öncə nəzərinizə çatdıraq ki, yeni dərs ili ötən ildən nisbətən daha qalmaqallı xəbərlərlə gündəmi zəbt edib. Belə ki, Xırdalan 1 saylı orta məktəbin direktoru Rzayev Kamran Əmir oğlu işdən azad olunaraq Abşeron Təhsil Şöbəsinin müdiri təyin edilib.

Xatırlayırsınızsa sözügedən məktəb haqqında dosye.org-a kifayət qədər məlumatlar daxil olub və araşdırıldıqdan sonra oxucularımızın ixtiyarına verilib. Hətda məktəbin direktoru Kamran Rzayevin də mövqeyini dərc etmək üçün təkliflər irəli sürülmüşd. Lakin sonradan Kamran müəllim təkliflərimizi geri çevirərək saytımızda yayımlanan məlumatlara heç bir açıqlama verməmişdir.

TEREF.İNFO dosye.orqa istinadən xəbər verir ki, bu günlərdə Xırdalan 1 saylı orta məktəbə yeni təyin olunan direktor Yusifova Kəmalə Qədir qızı Kamran müəllimdən fərqli olaraq özünün “təsis” etdiyi qanunların icrasına başlayıb. Mənbə iddia edir ki, məktəbin qanunlarına əsasən 1-ci sinifə gələn uşaqların valideyinləri 50 manat ödəməlidir. Bunun səbəbini soruşduqda gülünc bəhanələrlə valideyinlər ələ salınır.

Gah, ibtidai siniflər tam dolub, gah da müəyyən bəhanələrlə valideyinlərdən pul qoparılır. Adını hallanmağını istəməyən valideyinin dediyinə görə, müəllimələr pulu direktor üçün yığdığını bildirir. Hətda məktəbin müəllimlərindən olan mənbəmiz faktı doğru olduğunu təsdiqlədi. Onun dediyinə görə direktorun iki qadın müavinləri bu işdə canfəşanlıq edir.

Məsələ ilə bağlı Xırdalan 1 saylı orta məktəbin direktoru Kəmalə Yusifovla əlaqə saxlamağa cəhd etdik. Təəsüflər olsun ki, Kəmalə müəllimənin nə telefonu cavab verdi nə də özü ilə görüşə bildik. Bütün bunları nəzərə alıb, yuxarıda göstərilən orta məktəbdə baş verən qanun pozuntuları barədə Təhsil Naziri cənab Mikayıl Cabbarova rəsmi məktubla ünvanlanyacağıq. Dosye.org olaraq bildirmək istəyirik ki, məsələyə münasibəti birbaşa cənab nazirin diqqətində axtarmağa çalışacayıq.

Araşdırmalar davam edir.

Qarşı tərəfin mövqeyini dərc etməyə hazırıq.