Ermənistanın Qafan bölgəsinin Azərbaycana təhvil verilməsi ilə bağlı erməni hərbi birləşmələrinin postlarından birində video lentə alınıb.

Publika.az xəbər verir ki, həmin postun komandiri Artak Arutyunyan gecə yarısı hərbi polisə çağırılıb.

Bu barədə hüquq müdafiəçisi Ruben Melikyan özünün feysbuk səhifəsində bildirib. O, hərbi polisin çağırışının mahiyyətini başa düşmədiklərini qeyd edib.

Qeyd edək ki, “Mediaport” erməni teleqram kanalı bir neçə hərbi qulluqçunun xidmət şərtlərindən şikayət etdiyi, bəzi əmr və təlimatlardan bəhs etdiyi video yayımlayıb. Əsgərlər xidmət yerini tərk etmə əmri aldıqlarını da söyləyib. Bildiriblər ki, bölgədə cəmi 9 nəfərlik hərbi heyət var və onların yaşayışı üçün heç bir şərait qalmayıb. Onlar bunu Qafanın Azərbaycana təslim olması ilə əsaslandırıb.