"Barselona"nın oyunçusu Rafinya Avropanın top-5 liqalarında braziliyalı futbolçular arasında bir mövsümdə ən çox qol+pas göstəricisində klubun sabiq hücumçusu Neymarla bərabərləşib.

Championat.com xəbər verir ki, hər iki futbolçu 51 faydalı hərəkətlə qol+pas rekorduna imza atıb.

Cari mövsümdə Rafinya 30 qol və 21 asistlə fərqlənib. Neymar isə 2015/2016 mövsümündə 31 qol vurub və 20 faydalı ötürmə edib. Bu siyahının üçüncüsü də Neymardır. O, 2017/2018 mövsümündə "PSJ"də çıxış edərkən 28 qol və 16 assistlə yadda qalıb.

Rafinya hazırkı mövsümün qalan hissəsində ən azı 6 La Liqa oyununda, Çempionlar Liqasının 2 yarımfinal görüşündə və İspaniya Kubokunun finalında iştirak edə və rekordu qıra bilər.