Amerikanın “OpenAI” şirkəti, “ChatGPT” neyron şəbəkəsinin tərtibatçısı, istifadəçilərə şaquli videoları izləməyə imkan verəcək, lakin bütün məzmun süni intellekt (Sİ) tərəfindən yaradılacaq “TikTok”a bənzər proqram təqdim etməyə hazırlaşır.

TEREF Yeniavaz.com-a istinadla xəbər verir ki, bu barədə Amerikanın “Wired” jurnalı mənbələrə istinadən məlumat yayıb.
Nəşrdə qeyd edilib ki, istifadəçilər 10 saniyəyə qədər uzunluğunda videolar yaratmaq üçün “OpenAI”nin süni intellektlə video yaratma vasitəsi olan “Sora”dan istifadə edə biləcəklər. İstifadəçilər həmçinin video yaradarkən özlərini əlavə edə biləcəklər. Şəkillərindən istifadə etmək üçün istifadəçilər öz şəxsiyyətlərini təsdiqləməlidirlər. Jurnalın əldə etdiyi daxili sənədlərə görə, şirkət öz əməkdaşları ilə qapalı sınaq üçün tətbiqi işə salıb və o, artıq çoxsaylı müsbət rəylər alıb.
Şirkət jurnalın məlumatlarını şərh etməkdən imtina edib.