PKK-nın Suriya qolu PYD-nin ABŞ-ın paytaxtı Vaşinqtonda nümayəndəliyi açılır.
Avropa.info xəbər verir ki, bu haqda xarici KİV-ə açıqlamasında PYD təmsilçisi İlhan Əhməd məlumat verib. Əhməd ABŞ-da nümayəndəliyin açılması üçün işlərin davam etdiyini deyib.
ABŞ-da olduqlarını bildirən Əhməd nümayəndəliyin açılması üçün işlərin son mərhələyə gəldiyini söyləyib.
“Nümayəndəliyin açılması üçün qəti bir tarix verə bilmərəm. Bu danışıqların bitməsi və işlərin daha tez yekunlaşmasından aslı olacaq.”
ABŞ ilə münasibətlərinin yaxşı olduğunu vurğulayan Əhməd, əlaqələri daha da inkişaf etdirmək üçün, Birləşmiş Ştatlara səfər etdiklərini bildirib.