Türkiyədə universitet binasının bir hissəsi ucub.

Musavat.com-un məlumatına görə, hadisə nəticəsində 7 nəfər yaralanıb. Faciə Antaliyanın Akdeniz Universitetinin tibb korpusunda baş verib. İnşaatı davam edən binanın körpüsünün çökməsi nəticəsində 7 işçi çökən körpünün altında qalıb.

Onların xilas edilməsi üçün hadisə yerinə xilasedicilər cəlb edilib. 6 nəfər xilas edilərək xəstəxanaya çatdırılıb. Bir nəfərin isə ayağına dəmir girdiyi qeyd edilir.

Onun binanın altından çıxarılması üçün işlər davam etdirilir.