Azərbaycan Prezidenti İlham Əliyevin tapşırığına əsasən Prezidentin köməkçisi, Prezident Administrasiyasının xarici siyasət məsələləri şöbəsinin müdiri Hikmət Hacıyevin təşkilatçılığı ilə Azərbaycan jurnalistləri, QHT təmsilçiləri, eləcə də ictimai fəal və bloggerlərdən ibarət böyük bir heyətin işğaldan azad olunmuş Ağdam şəhərinə səfəri barədə Moldova mətbuatında dərc olunmuş reportaj dünya ölkələri üzrə reytinqli məqalələrin toplandığı məşhur “The World News” – dünya xəbər platformasında yer alıb.

Qeyd edək ki, "Хиросима Кавказа" - репортаж из города, которого нет» başlıqlı məqalə Missiya.Az xəbər portalı və Missiya TV internet kanalının baş redaktoru Nicat Dağlar tərəfindən qələmə alınıb. Azərbaycanın Moldovadakı Səfirliyinin xətti ilə bu ölkənin populyar “Ava.md” saytında dərc olunmuş məqalə qısa müddətdə “The World News” platformasının da diqqətini çəkib.

Məqalədə Ağdamın tarixindən, hazırkı vəziyyətindən, mədəni və dini abidələrin erməni vandalları tərəfindən dağıdılmasından geniş şəkildə bəhs olunur.