Rabitə və Yüksək Texnologiyalar nazirinin mətbuat müşaviri vəzifəsindən azad olunub. Nazir müşaviri Müşfiq Əmirov tutduğu vəzifəsindən çıxarılaraq sektor müdiri vəzifəsinə təyin edilib.

Müşfiq Əmirovun yerinə isə İctimai Televiziya və Radio Verilişləri Şirkətinin (İTV) ictimaiyyətlə əlaqələr və monitorinq departamentinin sabiq rəhbəri Tahir Məmmədov təyin olunub.

Məsələylə bağlı aznews.az-ın əməkdaşı Tahir Məmmədovla əlaqə saxlayıb. O, suallara cavab vermək istəmədiyini, xəbəri dəqiqləşdirmək üçün Müşfiq Əmirova müraciət etməyi məsləhət görüb.

Müşfiq Əmirov isə yalnız bunları deyib: “Mən işdəyəm”.

Qeyd edək ki, Tahir Məmmədov bu təyinata qədər (İTV-dən uzaqlaşdırıldıqdan sonra) Heydər Əliyev Fondunda çalışırdı.