Rusiya prezidentinin hərəkətləri bütün dünya üçün təhlükə yaradır

ABŞ prezidenti Donald Trampın Rusiya prezidenti Vladimir Putinlə görüşdən imtina etməsi Kremlin sahibinin tam təcrid edilməsinin bariz nümunəsidir.

AzNews.az Ukrayna mediasına istinadən xəbər verir ki, bu sözləri Ukrayna prezidenti Petr Poroşenko Sky News telekanalına verdiyi müsahibəsi zamanı deyib.

“Tramp Twitter səhifəsində yazmışdı ki, Rusiya ələ keçirdiyi gəmiləri və dənizçiləri təcili geri qaytarmalıdır. Kremldən cavab almayan Ağ Evin sahibi çox böyük ehtimalla Putinlə görüşdən imtina etdi. Böyük Britaniyada kimyəvi hücumdan, MH17 təyyarəsinə terror aktından, Ukraynanın şərqindəki təcavüzdən, Suriyadan və başqa “əməllərdən” sonra Putin tam təcrid edildi”. Poroşenko belə deyib.

Poroşenko əlavə edib ki, Rusiyanın müasir sivilizasiyaya qayıtması üçün Rusiya prezidentinə təzyiq göstərilməlidir: “Çünki Putinin hərəkətləri bütün dünya üçün təhlükə yaradır”.