Yaponiyanın lideri Şinzo Abe cüdo üzrə qara kəmərə sahib olan Rusiya prezidenti Putini Yaponiyanın Cüdo üzrə Dünya Çempionu ilə təkbətək tatamidə döyüşə çağırıb. “A24.az”ın əldə etdiyi məlumata görə, Şinzo Abe Şərq İqtisadiyyatı Forumunda verdiyi açıqlamada “Xanımlar və cənablar! Bildiyiniz kimi Rusiya prezidenti Putinin və Monqolustanın dövlət başçısı Xaltmaaqiyn Battulqanın cüdo idman növü üzrə qara kəməri var. Hazırda bu salonda da Olimpiya Çempionu Yasuhiro Yamaşita var” ifadələrini işlədib.
Qara kəmər sahibi olan iki ölkənin prezidentinə DƏVƏT…
“Hörmətli Yamaşita, sizə də bir təklifim var. Yaponiya Cüdo Federasiyasından qara kəmər sahibi olan iki dövlət başçısını Yaponiyaya dəvət edərsinizmi? Dövlət başçıları ilə birlikdə gözəl bir cüdo şousu təqdim edə bilərsiniz. Mənim qara kəmərim yoxdur. Xəsarət almaq istəmədiyim üçün bu mükəmməl şounu uzaqdan izləməyi tərcih edirəm”.