Ukrayna Azərbaycanlıları Birləşmiş Diasporu (UABD) sədrinin birinci müavini Murad Cəfərov Avropa Azərbaycanlıları Kongresinin bu gün Kiyevdə təşkil edəcəyi toplantıya dəvət edilməməsinə etiraz edib.

“Ölkə.Az”-ın məlumatına görə, M.Cəfərov Avropa Azərbaycanlıları Kongresinin bu addımını laqeydlik kimi qiymətləndirib:

“Qız evində toydur, oğlan evinin xəbəri yoxdur. Avropa Azərbaycanlıları Kongresi bu gün Kiyevdə toplantı keçirir, ancaq qitənin ən böyük və nüfuzlu təşkilatlarından biri sayılan Ukrayna Azərbaycanlıları Birləşmiş Diasporu ev sahibi ola-ola həmin tədbirə dəvət olunmayıb. Qarabağ bizimdir, bizim olacaq?”.