"Yeni vergilər naziri Mikayıl Cabbarovun təkliflərə açıq olması çox sevindirici haldır. Yeni nazir islahatlar həyata keçirmək həvəsindədir. Bu isə bizə əlavə stimul verir".

SalamNews xəbər verir ki, bu barədə bu gün jurnalistlərə açıqlamasında "Caspian European Club"un baş icraçı direktoru Mustafa Abbasbəyli deyib.

O bildirib ki, biz tədbirlərin sayını daha da artırmaq, iş adamlarını bir araya toplayıb, müvafiq təklifləri nazirliyə göndərmək niyyətindəyik. Əsas iki istiqamətdə təkliflər irəli sürürük. Bunlardan biri, qanunvericilik baxımından tədbirlərin həyata keçirilməsi, ikinci isə mövcud qanunvericiliyin tətbiqi ilə bağlı problemlərdir. Həmin istiqamətlərdə təkliflər irəli sürməyə hazırlaşırıq".